俗话倾谈

想来激恼我。你估我唔知你！估我晤知！”（极似恶婆声口。）珊瑚又低头无语，自怨不晓奉承。
自后，踢着凳仔，将珊瑚骂；鸡唔食米，将珊瑚骂。珊瑚去探外家，三日归来，被骂了一日。大成见老母不悦，遂将珊瑚拷打，以顺母心。（打得冤枉呀。）横纹柴暂时安然，不久病气复发，古怪离奇，无情无理。
咒骂既惯，如鸦片烟瘟一样，瘾起之时，唔咒骂、唔做得。又如发冷症，三日一回，或两日一次。所以发冷有鬼，咒骂亦有鬼。发冷之鬼至，怕胡椒；咒骂之鬼至，怕口向火烧。
一晚，不过因些小事不合意，便企在门口，大骂一常珊瑚捧张竹椅出来，请婆婆安坐。横纹柴坐下，腰骨挨斜，手指天、脚拍地，骂不绝声。珊瑚煲茶一碗，捧来请婆婆解渴，横纹柴饮了。喉咙既润，气更高、声更响，骂到三更，声渐低、力渐微、气渐喘。（就是狗吠得多气力都倦。）珊瑚跪下禀曰：“婆婆所教，媳妇尽得听闻，今知改过咯。请婆婆回床安睡，免至在此受了生风，通夜叫肚痛。”横纹柴曰：“我要骂！我要骂！拚之晤睡，骂到天光。”（骂到豪兴□□人睡静后，又有鬼来听。）珊瑚从旁啼哭，邻里共来劝止，珊瑚点灯来引，扶住归房安歇。整好被铺、蚊帐，移正枕头，嘱咐婆婆安睡而去。
明早即到家婆处问候，看见家婆唔出得声，睁开双眼，总有神情，发乱头摇，似死一样。吓得珊瑚魂不附体，奔告邻里。
老伯婆一齐来到，一见光景，呵呵大笑，话珊瑚曰：“你唔在慌，但不过昨晚劈大个口，出得气多，撞了生风，蛊住个肚，以至血脉不通，精神困倦。静养三两日，自然好咯。”珊瑚方明其故。即买防风、羌活、苏梗、薄荷，以驱风邪，又买党参扎者，以补元气。食了两剂，仅能出得声、食得饭。横纹柴要买猪肉煲汤，以润肠肚。珊瑚从命，照样奉承。谁知肚内尚有风痰，未能疏发得透，食了猪肉，谓之伤风夹腻，哑了喉咙，十余日不能出得一语。请一个医家先生来看脉，谁知此位先生，系初学手，唔识脉理，思疑风热传里，误用大黄、朴硝，大剂浓煎。横纹柴饮了，屙得眼核俱深，泻到周身疲倦，不能起坐。
面黄骨瘦，不似人形。更兼泻坏元神，脾胃俱弱，以至饮食无味，日觉干枯。
横纹柴一肚郁勃不平之气，憎厌无定之情，妙得两味